ascidia

Urocordado do xénero Ascidia, que pertence á clase dos ascidiáceos. Abrangue moitas especies similares, todas de forma oval e de cores alaranxadas, que a miúdo aparececen recubertas de area ou de cunchas de molusco. A especie A. mentula, moi frecuente no Atlántico, no Mediterráneo, no Mar do Norte e no Báltico Occidental, vive nos denominados fondos de ascidias, de ata 200 metros de profundidade.

Calquera membro da clase dos ascidiáceos e, máis xeralmente, do subfilo dos urocordados.