aspirador -ra

Aparello que produce movemento de gases ou de líquidos por aspiración, cunha bomba, un extractor, etc.

Aparello empregado para a extracción de fumes e gases. En xeral, só é utilizado cando non se pode instalar un aparello de impulsión ao principio da liña, disposición máis vantaxosa que a de poñelo ao final, de xeito que aspire.

Aparello utilizado na drenaxe de fluídos presentes nas cavidades do organismo.

Conduto que enlaza a boca dunha bomba ou dunha turbina coa masa líquida situada no nivel máis baixo. Nas bombas, seguindo o sentido da circulación do líquido, o aspirador é un tubo converxente que fai que o líquido acade progresivamente a velocidade que ha de ter na boca de entrada. Nas turbinas, é un tubo diverxente en forma de tronco de cono ou, máis xeralmente, dun cóbado de 90°, con cambio de sección gradual dende a saída do carrete ata o aspirador.