Assad, Hāfiz al-

Político e militar sirio. Procedente dunha familia alauita, foi piloto das forzas aéreas. En 1946 afiliouse ao Ba´t, do cal foi secretario xeral desde 1970. Ministro de Defensa (1966-1970), Primeiro Ministro (1970-1971) e Presidente da República desde 1971 e da Fronte Nacional Progresista desde 1972. A súa xestión no interior do país caracterizouse por unha dura represión sobre a oposición, sobre todo contra os disidentes sunnitas xermano-musulmáns, así como por un acusado culto á súa personalidade. En política exterior buscou o apoio da URSS e converteuse nun dos dirixentes árabes máis antiisraelís. En 1973 atacou sen éxito Israel e Exipto. En 1976 interveu na Guerra do Líbano onde en 1983 expulsou a Arafat en favor dos movementos palestinos máis radicais. Rematada a guerra (1990), impuxo ao Líbano un goberno tutelado por Siria. A raíz da liberalización e do afundimento da URSS, moderou as súas posicións: en 1989 restableceu as relacións diplomáticas con Exipto, rotas desde 1977; na guerra do Golfo Pérsico apoiou os aliados e iniciou negociacións con Israel.

Cronología