astigmatismo

Alteración da refracción do ollo, como consecuencia de que as distancias focais dos diferentes meridianos do globo ocular, principalmente os da curvatura córnea, non son iguais.

Aberración dun sistema óptico que consiste no feito de que a imaxe dun punto obxecto non é un punto senón dúas rectas (rectas focais de Sturm), perpendiculares entre si. Preséntase tanto en sistemas de revolución como noutros sistemas (lentes cilíndricas e tóricas, ou o ollo astigmático). A causa desta aberración consiste en que a superficie da onda emerxente do sistema óptico non é esférica, senón que ten dous centros de curvatura.