atrevemento

1. s m

   Acción e efecto de atreverse; calidade daquel que afronta sen temor calquera tipo de problema ou perigo.

   Ex: A pesar da miña oposición non tiven atrevemento para rebater as súas teorías.

   Sinónimos: afouteza, audacia, ousadía.
2. s m

   Falta de recato ou respecto nun dito ou nun acto concreto.

   Ex: O seu atrevemento cos xefes vaille custar o seu posto de traballo.

   Sinónimos: desvergonza, ousadía, procacidade. Confrontacións: insolencia.
3. s m

   Acto ou comentario atrevido.

   Ex: A dura resposta que lle deu ó presidente foi todo un atrevemento.

   Sinónimos: desvergonza, ousadía, procacidade. Confrontacións: insolencia.

Refráns

• Inda non é viña e xa quere ser vinagre.
• Non te fagas mandador onde non fores señor.
• Quen mexa contra o vento, molla se cadra a camisa / os calzóns.
• Quen non entra no mar, nel non se pode afogar.