Aub, Max

Escritor de orixe alemana. Foi educado en Francia e, trasladado a València en 1914, nacionalizouse español. En 1920 comezou a escribir, sobre todo teatro, e fixo a súa primeira estrea con El desconfiado prodigioso (1927). Integrado dentro das correntes de vangarda e influído polo Barroco español, destacan de entre a produción desta primeira etapa as novelas Fábula verde (1933) e Luis Álvarez Petreña (1934), e as pezas dramáticas Narciso (1928), Espejo de avaricia (1935) e Pedro García López (1936). En México iniciou a redacción do seu ciclo narrativo máis importante, concretamente sobre a Guerra Civil española, titulado El laberinto mágico: Campo cerrado (1943), Campo de sangre (1945), Campo abierto (1951) e Campo del moro (1968). A súa linguaxe barroca adquiriu nestes momentos a máxima perfección ao servizo de intencións cada vez máis realistas. Cultivou con éxito a narración breve, o teatro e o ensaio.

Cronología