austro-prusiana, guerra

Conflito bélico motivado pola rivalidade entre Austria e Prusia pola hexemonía dentro do conxunto de estados alemáns, provocado por mor da administración conxunta dos ducados de Schleswig e Holstein, que foran cedidos por Dinamarca como consecuencia da guerra de 1864.Ó remate do conflito, Austria quedou completamente apartada de Alemaña, foi disolta a Confederación Xermánica, e Prusia incorporou Hannover, Hessen, Nassau, Frankfurt, Schleswig e Holstein. Austria perdeu o Véneto, que pasou a Italia, aliada de Prusia durante a guerra. A derrota influíu na nova forma de organización do Imperio de Austria, que se converteu na monarquía austrohúngara (1867).