autoanticorpo

Anticorpo que está activo fronte a un autoantíxeno que previamente determinou a súa formación. Os anticorpos antinucleares diríxense contra as proteínas do núcleo celular; os anticorpos antidesoxirribonucleicos contra o ácido desoxirribonucleico; os anticorpos antirribonucleicos contra o ácido ribonucleico; os anticorpos anticitoplasmáticos contra estruturas do citoplasma. Os autoanticorpos específicos de órganos só se dirixen contra un órgano concreto e os específicos de células, contra determinadas células. Todos estes anticorpos son de grande importancia na patoxenia e na diagnose das enfermidades autoinmunes.