auxiliante

No modelo actancial de Greimas (Sémantique struturale, 1966) é a competencia modal do suxeito dotado das dimensións de “poder facer” ou “non poder facer” a realización dun programa narrativo. Nalgúns casos o suxeito engloba ambas as dúas estruturas modais; noutros, o auxiliante desdóbrase en dous actantes: o adxuvante, auxiliante positivo do suxeito que corresponde ao poder facer, e o opoñente, auxiliante negativo do suxeito que corresponde ao non poder facer.