Avogadro, lei de

Lei enunciada por Amedeo Avogadro no 1811 en forma de hipótese, actualmente validada a partir da lei de Gay-Lussac, referida aos volumes de combinación entre gases, que establece que volumes iguais de gases diferentes, a igual presión e temperatura, conteñen o mesmo número de moléculas. Se para un gas determinado se define un volume-tipo ( volume molar) tal que, a 0°C e 760 mm de Hg de presión pesa en gramos o valor dado polo seu peso molecular ( molécula-gramo), o número de moléculas que se atopan neste volume é igual ao número de Avogadro, calquera que sexa o gas. Xeneralizando, pódese afirmar que unha molécula-gramo de calquera substancia contén un número de moléculas igual ao número de Avogadro.