axudante -ta
(
-
adx
Que axuda.
Ex: O médico axudante realizou a intervención con éxito.
-
s
-
Persoa que axuda ou asiste a alguén nalgún quefacer.
Ex: Preciso un axudante de cociña.
Sinónimos: asistente. -
[BÉL]
Cabo ou oficial que, dentro da súa unidade, cumpre determinadas funcións e determinados servicios.
-
[ESPECT/ARTE]
Técnico adxunto ao realizador, xefe de produción, operador, enxeñeiro de son, decorador ou montador, encargado de prestarlles colaboración directa e auxilialos nas súas funcións.
-
[PEDAG]
Profesor adxunto.
-
-
s
m pl
[MAR]
Persoas que participan nos labores relacionados coa pesca realizada pola compañía; executan todos aqueles traballos de complemento necesarios e que non implican unha participación directa nas actividades de extracción. Teñen unha condición de socios dentro das compañías á parte.
-
axudante de campo
[BÉL]
Cabo que cumpre as funcións de secretario e de auxiliar no mando xeral a quen serve.
-
axudante de estudio
[RELIX]
Cargo das congregacións da curia romana. Constitúe o grao máis elevado de oficiais menores, poñentes e executores, no referente aos asuntos que lle son confiados.
-
axudante de máquinas
[MAR]
Oficial de máquinas durante o período de prácticas regulamentarias para obter o título de maquinista naval.
-
axudante de Mariña
[BÉL/HIST]
Oficial da Mariña de guerra que manda nun distrito marítimo. É o máximo representante da autoridade naval militar que antigamente se destacaba nun porto, e que adoitaba ser outorgada aos oficiais. Desempeña o seu posto na axudantía de Mariña. Depende do comandante militar de Mariña da provincia marítima á que pertence.