antozoo

Pólipo da clase dos antozoos.

Clase de cnidarios, formada exclusivamente por pólipos que carecen de estadio de medusa, chamados antopólipos, de tamaño variable e de estrutura complexa. Poden ter esqueleto, interno ou externo, de carbonato cálcico. A larva é xeralmente unha plánula que dá lugar directamente a un pólipo, sen pasar polo estadio de medusa. Os individuos poden vivir illados, como as actinias, ou formando parte de colonias, como os corais e as madréporas. É unha clase moi numerosa, con representantes exclusivamente mariños, bentónicos, presentes en todos os mares. Segundo o número de septos que presentan os pólipos clasifícanse en tres subclases, a dos alcionarios ou octocoralarios, a dos zoantarios ou hexacoralarios e a dos ceriantipatarios.