Balkhaš

Lago da República de Kazakhstán. Localízase na estepa e esténdese en forma de arco desde os contrafortes dos Tarbagataj ata a fronteira co Kirguizistán ao longo duns 605 km. Con 18.800 km² de superficie media (oscila segundo a estación do ano entre os 17.500 km² e os 22.000 km²) é o cuarto lago en tamaño de Asia, logo do Caspio, o mar de Aral e o Baikal. Ao carón do lago, na beira noroccidental, aséntase a cidade de Balkhaš (87.600 h [1991]). O seu principal tributario é o Ili.