balón

(< bala)

s m [DEP]
Pelota composta dunha cuberta e mais dunha cámara, inchable por medio dunha válvula, que se utiliza en diversos deportes e que varía o seu peso e as súas dimensións segundo a modalidade na que se empregue. O balón é xeralmente de forma esférica, excepto o empregado no rugby e nos deportes derivados (fútbol americano, fútbol australiano) que ten forma elíptica.
s m [DEP]
Xogo no que se utiliza o balón.
s m [MAR]
Bóla de caucho ou de calquera material plástico, que serve para a defensa do barco.
s m [TECNOL]
Recipiente de vidro de forma esférica, con colo prolongado.
s m [TECNOL]
Saco de goma ou de materias plásticas destinado a conter gases.
balón medicinal [DEP/MED]
Balón que ademais de aire ten no seu interior algún sólido (area, bóla de metal, etc) para aumentar o seu peso. Emprégase como elemento auxiliar en exercicios de formación corporal, ben para o acondicionamento físico deportivo, ben para tratamentos de rehabilitación despois das lesións.

Frases feitas