Banjul

Capital de Gambia, na entrada do esteiro do río Gambia (42.326 h [1993]). Foi fundada polos británicos no ano 1816 como base para a supresión do comercio de escravos, co nome de Bathurst en honor do conde Henry Bathurst, secretario de asuntos coloniais do goberno británico. Formou parte da colonia británica de Serra Leona ata que en 1886 pasou a ser a capital da colonia de Gambia. Continuou como capital trala independencia (1965) e en 1973 adoptou o nome actual.