Barraca, La

Compañía itinerante de teatro universitario creada en 1932 por Federico García Lorca, Eduardo Ugarte, Benjamín Palencia e José Caballero, na que colaboraron estudiantes vencellados aos sectores máis progresistas da universidade como o galego Ernesto Guerra da Cal. Converteuse en referente significativo nas diversas propostas de renovación teatral que se sucederon en España durante a Segunda República. O seu repertorio baseábase na produción de textos de autores clásicos como Cervantes, Calderón de la Barca, Lope de Rueda ou Juan de la Encina. Entre 1932 e 1936 realizaron múltiples xiras por todo o territorio estatal, visitando Galicia en agosto e setembro de 1932, e realizando funcións na Coruña, Santiago, Pontevedra, Ribadeo e Vigo.