Barranquilla

Capital do departamento do Atlántico, Colombia, preto da desembocadura do río Magdalena, que é navegable dende o seu porto (1.157.826 h [1997]). Situada nunha rexión agrícola, é ao mesmo tempo un centro industrial, pesqueiro e comercial, que canaliza a maior parte do comercio exterior de Colombia. A cidade, fundada no 1629, adquiriu importancia a mediados do s XIX, medrando extraordinariamente a partir do 1930.