Barxa, San Salvador de
Barxa, San Salvador de
Mosteiro familiar situado no concello de Sarria. Foi doado polos seus donos, Ermexildo e a súa esposa, Eldonza, ao mosteiro de Samos o 25 de febreiro do ano 978. No tombo de Samos existen outros documentos referentes a este mosteiro, entre eles algún preito sobre a propiedade do mesmo entre o abade de Samos e Eita Gosendiz “vicario do rei dende o Miño ata o Sil”. Preito que foi presenciado polo propio Afonso VI e foi fallado en favor da comunidade de Samos.