Basílicas, As

Colección legal que contén as compilacións de Xustiniano e as leis posteriores, ordenada por Basilio I o Macedonio, Emperador de Bizancio (867-886), e acabada en tempos do seu fillo León VI o Filósofo; foi promulgada no ano 887 co nome de Basilikhá. Escrita en grego, desenvolve a aplicación do dereito romano nunha época non demasiado distante de Xustiniano e permite coñecer o criterio dos antigos xuristas, engadido en forma de notas e comentarios. Algúns fragmentos foron considerados dereito común entre os ss XVI-XIX.