Begin, Mena em

Político, licenciado en Dereito pola Universidade de Varsovia. Foi o xefe do movemento sionista Betar de Polonia (1939) e durante a Segunda Guerra Mundial foi confinado nun campo de concentración en Siberia (1940-1941). No ano 1942 emigrou a Palestina, onde encabezou un grupo independentista armado. Trala creación do estado de Israel, fundou o partido Herut, ao que representou no Parlamento dende 1949. Foi ministro sen carteira de 1967 a 1970 e presidente adxunto da coalición do Likud de 1973 a 1984. Durante o seu mandato, foi primeiro ministro de 1977 a 1983, desenvolveu unha política de dureza contra os palestinos que o levou a anexionar os Altos do Golán (1981) e a invadir o Líbano (1982). No 1978 compartiu o Premio Nobel da Paz con Anwar al-Sadat, con quen asinara o Acordo de Camp David (1979), que puxo fin ao conflito con Exipto. Dimitiu do seu cargo e retirouse da política no 1983.

Cronología