beldroega

Herba anual de talos deitados avermellados de ata 50 cm de lonxitude, carnosa e glabras. Presenta follas de forma oval, simples e carnosas. As súas flores son terminais con dous sépalos caedizos e cinco pétalos amarelos. O froito desenvólvese en cápsula con numerosas sementes negras. Aparece amplamente distribuída en Galicia en terras cultivadas, camiños e entulleiras. Comida en cru ten propiedades antiescorbúticas, diuréticas e refrescantes.