Bendaña

Nome do señorío xurisdicional que exerceron varias liñaxes sobre a Casa de Bendaña en Touro, especialmente os Ulloa. Os señores desta casa posuíron terras e propiedades en Caldas de Reis, Briallos, Betanzos, Cambre, Compostela, etc. As armas desta liñaxe levan: en campo de ouro, cinco roeis de azul, postos en aspa. Algúns traen, en campo de azul, seis besantes de ouro, en dous paos. Outra variante representa, en campo de ouro, cinco roeis de sable, postos en aspa.