Benegá

Boletín publicado en galego que apareceu en marzo de 1986. Foi subtitulado “Voceiro do Bloque Nacionalista Galego”. As súas seccións da revista eran “Editorial”, “O cartón do Parlamento”, na que se falaba de actividades parlamentarias, “Voces”, con entrevistas a dirixentes e alcaldes do Bloque, “Perfil dos días”, “Apuntes sindicais” e “Dimensións de Nós”. Entre os colaboradores figuraban María del Pilar García Negro e Xosé Manuel Beiras, entre outros.