bergamasco -ca

(< topónimo Bérgamo)

adx
Relativo ou pertencente a Bérgamo ou aos seus habitantes.
s
Natural ou habitante de Bérgamo.
s f [MÚS]
Danza italiana, orixinaria da rexión de Bérgamo, dos ss XVI e XVII; estivo tamén en auxe no s XVIII en Francia. Como composición instrumental, foi construída a miúdo sobre un baixo obstinado. No s XIX recibiron este nome composicións de compás 6/8 e ritmo vivo, parecidas á tarantela. Claude Debussy escribiu no s XIX unha Suite bergamasque (Suite bergamasca, 1890) e Alfredo Piatti tamén compuxo algunhas.
[GAN]
1. adx
  Relativo ou pertencente á raza bergamasca.
2. raza bergamasca
  Raza ovina de orixe italiana, de triple aptitude (leite, la e carne), mellorada a partir da raza leiteira Wilstermarch. Ten a cabeza de perfil convexilíneo, as extremidades longas e a constitución ósea forte.
s m [ZOOL]
Can pastor, de pelo longo, orixinario do norte de Italia.

Palabras veciñas