berrar

1. v i

   Emitir berros.

   Ex: O público adoita berrar animando ó seu equipo.

   Sinónimos: berregar, bradar, gritar. Confrontacións: vocear.
2. v i

   1. Falar con enfado sobre algo levantando o ton da voz.

      Ex: Berrou co seu amigo porque defendía a autodeterminación.

      Sinónimos: berregar, rifar.

   2. Reprender a alguén levantando o ton de voz.

      Ex: Berrou co neno por non almorzar.

      Sinónimos: berregar, rifar.
3. v i

   Producir a súa voz característica algúns animais.

   Ex: O año non paraba de berrar pedindo a comida.

   Sinónimos: berregar, bradar, bramar, bruar.
4. v i

   Falar cun ton de voz moi alto.

   Ex: Non me berres tanto que non son xordo.

   Sinónimos: berregar, gritar. Confrontacións: vocear.
5. v t

   Comunicar algunha cousa empregando un ton de voz moi alto.

   Ex: Repetinllo varias veces e non entendeu ata que ó final lle berrei que dese volta.

   Sinónimos: berregar, gritar.

Frases feitas

• Ser de moito berrar e pouco espantar. Aplícase á persoa que quere parecer máis do que realmente é.