Beseña

Río afluente pola dereita do Ulla, no que desemboca á altura do encoro de Portodemouros. Nace co nome de Rego Ponticela da confluencia na parroquia de Liñares (concello de Santiso) dos regos de Fontesagrada e de Cabazás. Logo dun percorrido de dirección N-SO, concordante coa tectónica, desemboca no lugar de Buxel de Abaixo, na parroquia de Ribadulla, do concello de Santiso.