Bogol’ubov, Nikolaj Nikolajevič

Matemático e físico ruso. Traballou no departamento de Física Matemática da Academia das Ciencias de Ucraína dende 1925 e foi profesor nas universidades de Kiev e Moscova. Traballou sobre os conceptos de superfluidez, supercondutividade, análise matemática, teoría de funcións, ecuacións diferenciais e teoría cuántica de campos. Foi nomeado doutor honoris causa en Matemáticas (1930) e membro da Academia de Ciencias da URSS (1948). Obtivo o Premio Lenin en 1958.

Cronología