bola

1. s f

   Porción de masa de millo ou de trigo, de forma redonda, que pode ser grande e con moito miolo, ou esmagada e máis ben pequena. Cócese no forno e adoita sacarse antes do resto da fornada.

   Ex: Merquei unha bola de pan de dous quilos.

   Confrontacións: bica, torta.
2. s f

   Pan moi delgado que ao cocer quedou sen miga e duro.

3. s f

   Bolo de fariña de flor e leite en forma de molete.

4. bola da parrañoa

   Torta de pan que se fai collendo un anaco de masa e tirándoo con forza contra o fondo do forno, ao que se queda pegado.

5. bola do enterro [ETN]

   Peza de pan redonda que se lle entregaba ao cura que oficiaba o enterro.

6. bola do lar

   Torta de millo cocida na lareira co lume da cociña. É costume comela moi quente. OBS: Nalgunhas zonas de Galicia tamén se adoita pronunciar bola con [ɔ] aberto.

   Ex: Xa sabes o que di o refrán: bola do lar, comer e soprar.

   Confrontacións: bica.

Frases feitas

• Deixar rodar a bóla. Referíndose a un suceso ou negocio no que non se quere intervir, deixando que ben ou mal siga o seu curso; indica tamén unha certa indiferenza ante a marcha do asunto.

• Non dar pé con bóla. Non acertar."