Boloña, escola de
Boloña, escola de
[MÚS]
Grupo de músicos que a mediados do s XVII influíron no desenvolvemento da música instrumental italiana. Os representantes máis destacados foron Giulio Cesare Arresti (1617-1704), Maurizio Cazzati (1620-1677) e Giovanni Battista Vitali (1632-1692), discípulo de Cazzati que desenvolveu a estrutura da forma sonata e, máis tarde, Giuseppe Torelli (1658-1709) autor dos primeiros concertos para solista. No s XVIII a personalidade do padre Giovanni Battista Martini (1706-1784) converteu Boloña nun centro musical visitado polos grandes músicos da época como J. Ch. Bach ou Mozart.