Bormujos

Municipio da provincia de Sevilla, Andalucía (6.839 h [1996]). Situado 5 km ao SO de Sevilla, a súa economía, tradicionalmente baseada na agricultura especializada nos produtos mediterráneos (oliveira, viña e cereais), experimentou unha reorientación debida á súa inclusión na área metropolitana hispalense, causada pola expansión residencial da cidade, feito que provocou a aceleración do seu crecemento demográfico.