Bose, Satyendranath

Físico e matemático. Rematou os estudios en 1915 e comezou a traballar no Colexio Universitario de Calcuta. En 1921 deixou Calcuta e estableceuse na Universidade de Dacca. En 1924 enviou a A. Einstein un traballo sobre a teoría cuántica, que o mesmo Einstein fixo publicar, traducido ao alemán, cunhas notas súas. Mantivo contactos con De Broglie en Francia, e con Einstein, Max Born e Heisenberg en Alemaña. Destacou pola súa Estatística matemática (1925), xeneralizada despois por Einstein e coñecida como estatística de Bose-Einstein, que permite estudar as radiacións electromagnéticas.

Cronología