Bosque Animado, O

Película de debuxos animados baseada no libro homónimo de Wenceslao Fernández Flórez, e realizada pola empresa coruñesa Dygra a partir dun guión de Ángel de la Cruz. Dirixida e producida por Manuel Gómez Santos, foi realizada empregando técnicas de animacións por ordenador, co obxectivo de estreala no ano 2000. As texturas e efectos visuais foron creados por un equipo coordinado por Javier Reigada, a supervisión técnica e programación creativa dependeu de Juan Nouche e a dirección artística de Alberto Taracido.