brando -da

1. adx

   Que se deforma facilmente ao exercer presión ou que se corta con facilidade.

   Ex: Non me gusta o pan tan brando.

2. adx

   1. Referido a cousas inanimadas, que ten ou indica pouca enerxía e vigor.

      Ex: Non me parece que fose bruto, usou expresións moi brandas cando falou con el.

      Sinónimos: lene.

   2. Aplicado a persoas, que non ten dureza, forza, vontade ou enerxía ou que cede con facilidade ante os desexos ou argumentos dos demais.

      Ex: É un xogador moi rápido, pero tan brando que lle custa aguantar todo o partido. Sempre foi moi brando á hora de enfrontarse ós problemas.

3. adx

   Que presenta tenrura e suavidade ao tacto.

   Ex: O tecido era moi brando.

4. adx

   En música ou poesía, agradable ao oído.

   Ex: No concerto interpretaron música moi branda.

5. adx

   Tratándose dunha enfermidade, dor que molesta pouco, que non produce gran malestar.

   Ex: Este inverno pasei varias gripes, pero todas brandas.

6. adx

   Referido ao paso, que é descansado, lento ou pausado.

   Ex: Co paso tan brando que levas imos tardar máis dunha hora en chegar.

7. adx

   Aplicado ás drogas, as que comportan menor adición e son menos prexudiciais para a saúde.

   Ex: Na actualidade non é ilegal o consumo de drogas brandas en moitos países.

8. adx

   Referido a un mineral, que pode ser riscado con facilidade por outro.

   Ex: O xeso é un mineral moi brando.

9. adx m [ALIM]

   Característica dos viños baixos en acidez e faltos de frescura.

   Ex: Os viños desta comarca caracterízanse por ser moi brandos.

10. adx [ECON]

    Aplícase ao crédito que ofrece condicións vantaxosas de interese e prazos.

    Ex: A Xunta concedeu créditos brandos para a rehabilitación de vivendas. Na tradición recóllese: A branda resposta, a ira creba; a dura, espértaa.

Frases feitas

• Andar brando de ventre. Padecer diarrea.

• Brando como a manteiga. Persoa que é amable.

• Brando como as ortigas. Que parece brando e resulta áspero.

• Máis brando ca unha seda. Que se mostra compracente en extremo.