brío

1. s m

   Enerxía e decisión coa que se realiza unha acción que require certo esforzo. Na tradición oral recóllense ditos como: “Casamento e señorío (non) queren forza (nin) brío”.

   Ex: Iniciou aquel proxecto con moito brío pero pouco a pouco fóronselle os folgos.

   Confrontacións: rixo.
2. s m

   Sentimento elevado da propia dignidade.

3. s m

   Elegancia ou desenvoltura que se amosa nos movementos do corpo ou na forma de andar.

   Ex: Sempre se distingue entre a multitude polo seu brío ó andar.

4. s m [MÚS]

   Vivacidade coa que se interpreta unha peza.

   Ex: Realizou o concerto cun brío que gustou a todos os espectadores.

Frases feitas

• Apagar os bríos. Acovardar.