Bueno Martínez, Gustavo

Filósofo. Estudiou en Zaragoza e Madrid e foi profesor do instituto Lucía Medrano de Salamanca dende 1949 e catedrático de Fundamentos de Filosofía e Historia dos Sistemas Filosóficos na Universidad de Oviedo dende 1960. É o creador dun dos sitemas filosóficos máis sólidos, coherentes e profundos do último terzo do s XX; así, a partir da súa crítica do materialismo histórico dende unha perspectiva marxista baseada na práctica, desenvolveu unha ontoloxía baseada en tres xéneros de materialidade (corporeidade ou exterioridade, interioridade e obxectos abstractos) e elaborou a súa Teoría del cierre categorial (1992). En 1988 o ministerio de Educación y Ciencia prohibiu o seu libro Simploké como libro de texto para o Bacharelato Unificado Polivalente (BUP). Fundou e dirixe a revista El Basilisco. Ao seu redor constituíuse a chamada Escola de Oviedo, que está aplicando a súa teoría do peche categorial a distintos eidos do saber: ontoloxía, teoría de la ciencia, antropoloxía, teoría da relixión, historia da filosofía, etc. Entre outras obras, publicou El papel de la filosofía en el conjunto del saber (1970), Etnología y utopía (1971), Ensayos sobre las categorías de la economía política (1972), Ensayos materialistas (1972), La metafísica presocrática (1974), Veinte cuestiones sobre teoría y praxis (1975), Idea de ciencia desde la teoría del cierre categorial (1976), El animal divino: ensayo de una filosofía materialista de la religión (1986), Primer ensayo sobre las categorías de las ciencias políticas (1991) e El mito de la cultura (1996).

Cronología