buglosa

Herba pertencente aos xéneros Anchusa ou Pentaglottis da familia das boraxináceas. A planta caracterízase por estar cuberta de pilosidade, ter follas alternas e enteiras, e flores con pétalos azuis unidos formando un pequeno funil, con cinco lóbulos, cinco estames soldados e un ovario fondamente dividido en catro. En Galicia son comúns as especies: A. calcarea, nos areais costeiros; A. undulata, en terras cultivadas; e P. sempervirens, en bosques e lugares sombrizos e húmidos.