busto

(

s m
1. Parte superior do corpo humano, desde o pescozo ata o van.
  
  Ex: Tiña unha ferida de bala no busto, próxima ó corazón.
  Confrontacións: tórax, torso.
2. Referido ao corpo da muller designa os peitos.
  
  Ex: Fixéronlle unha operación no busto dereito.
  Sinónimos: mama, seo.
s m [ARTE]
1. Escultura que só presenta a cabeza e a parte superior do corpo. O busto converteuse nun xénero que, segundo as épocas e os estilos, adoptou unha forma e unhas medidas determinadas. Propio do mundo europeo, existiu tamén en Exipto. En Grecia, e sobre todo en Roma, adquiriu unha autonomía plena ao servizo do retrato. Despois do s V perdeuse a tradición, non revitalizada ata o s XV con Donatello, que iniciou unha nova corrente.
  
  Ex: O busto de Nefertiti de cuarcita rosada, exhibido no museo do Cairo, é dunha beleza extraordinaria.
2. Cabeza dos monarcas que aparece representada nas moedas ou medallas.
  
  Ex: Nunha moeda de cen pesetas aparece o busto do Rei Xoán Carlos I.
s m [AGR]
Extensión de terra destinada ao pasto do gando.

Ex: As vacas están pacendo no busto.
Sinónimos: pasteiro, prado. Confrontacións: campaza, campeira, campela, campizo, campón, camposa.

Palabras veciñas