cacodilo

Derivado orgánico do arsénico, o primeiro que se coñeceu (1760). É un líquido de olor aliáceo e repulsivo, principal compoñente do líquido de Cadet. Ferve a 120°C e obtense por destilación do acetato de potasio ou de sodio co trióxido de arsénico.

Denominación non sistemática do radical univalente -As(CH 3 ) 2 , do que se coñecen distintos derivados, como o óxido, o cloruro, o sulfuro, o cianuro, etc, caracterizados polo seu fedor insoportable.