calcar

1. v t

   Facer presión sobre unha cousa ou sobre unha superficie cos pés ou con algún obxecto para apertala ou deixala lisa.

   Ex: Calca ben a masa para poñela plana.

   Sinónimos: premer. Confrontacións: compactar.
2. v t

   Copiar un debuxo ou un escrito poñendo en contacto o orixinal co papel ou a tea á que vai ser trasladado e repasando os trazos do debuxo cun lapis, un estilete ou mediante outros procedementos.

   Ex: Os debuxos cálcoos sobre o lenzo e logo aplícolles a pintura.

3. v t

   Copiar ou imitar as cousas da mesma maneira que o fai outra persoa.

   Ex: Sempre calcou os xestos do irmán.

Frases feitas

• Calcarlle as costelas a alguén. Castigalo ou bater en alguén.