Calgary

Cidade da provincia de Alberta, Canadá (768.082 h [1996]), nos contrafortes das Rochosas, na beira da confluencia dos ríos Bow e Elbow. É un importante núcleo industrial (metalurxia, industrias lácteas e conserveiras) e comercial, que se desenvolveu principalmente a partir do descubrimento de petróleo e gas natural no Turney Valley. Importante estación de montaña, en 1988 foi sede dos XV Xogos Olímpicos de Inverno.