Calle Mayor

Produción cinematográfica española dirixida en 1956 por Juan A. Bardem e interpretada por Betsy Blair, José Suárez, Yves Massard, Luis Peña e Manuel Alexandre, entre outros. Baseada na obra teatral La señorita de Trevélez de Carlos Arniches e inspirada na longametraxe I vitelloni (Os inútiles, 1953) de Federico Fellini, narra unha relación de amor baseada no engano e non correspondida entre unha solteira de certa idade e un home que acaba de chegar de Madrid. Nela aparece unha crítica á covardía da clase media. Gañou o Premio da Crítica Internacional na Mostra de Venecia.