Campana, La

Municipio da provincia de Sevilla, Andalucía, na marxe dereita do Guadalquivir, ao NL da capital (5.260 h [1996]). Atópase rodeado polas lagoas de Quinta, Hornillo e Esculamata. Situado nunha rexión moi fértil, a principal actividade económica é a agricultura, destacando os cultivos de cereais, legumes, hortalizas, froitas e, sobre todo, oliveiras. A industria máis importante é a relacionada coa construción, especialmente a fabricación de tellas e ladrillos; en segundo lugar destaca o sector téxtil, con fábricas de tecidos e teas.