Cannes

Cidade da Provenza, no departamento dos Alpes-Maritimes, Francia, á beira do Mar Mediterráneo, no sector coñecido como Costa Azul (68.676 h [1990]). É un importante centro turístico e unha das estacións balnearias máis importantes de Francia. A temperatura media anual é de 16,4°C. Dentro do seu termo hai lugares nos que destaca a súa actividade turística e comercial, como o barrio da Liberdade, onde desembocan as principais rúas da cidade. No seu porto hai unha grande actividade comercial e turística, sobre todo na primavera, cando se celebran as regatas internacionais. Dende o ano 1939 celébrase un prestixioso festival internacional de cine. Fundouna probablemente no s VIII a C unha tribo ligur e, posteriormente, conquistárona e ocupárona os celtas e os romanos. No s IV d C pasou a estar baixo o señorío do mosteiro de Lérins.