carallote

Alga parda do xénero Laminaria. Este nome ten a súa orixe no uso que se facía do estipe groso e cilíndrico destas algas nos problemas de dilatación no parto; estes estipes, que se conservaban secos, introducíanse na vaxina e botábaselles auga para que aumentasen de tamaño e axudasen así á dilatación.

Denominación vulgar que reciben os equinodermos da clase dos holoturoideos, de forma grosa e alongada, sen brazos e sen espiñas, e con pequenos pés ambulacrais con ventosas.

Denominación popular que reciben os moluscos bivaldos do xénero Ensis, como a navalla e o longueirón.