Carreño

Municipio do Principado de Asturias, á beira do Mar Cantábrico, ao NO de Gijón (10.533 h [1996]). A capital é Candás. A principal actividade económica é a gandería bovina e a pesca. A industria centra a súa produción principalmente nas salgaduras e nas conservas de peixe. Tamén é importante a industria de materiais de construción como o cemento e o sector metalúrxico. Dentro do termo está a igrexa románica de Santa María de Piedeloro.