Cátedra

Publicación anual que naceu en Pontedeume en 1994 co subtítulo de “Revista Eumesa de Estudios”. Os membros do consello de redacción eran Alexandre Caínzos, Carlos de Castro, Francisco Correa e Sindo Vilariño. Tenta informar con obxectividade sobre o coñecemento da historia da vila de Pontedeume. A estrutura interna comprende unha serie de artigos de carácter cultural, centrados no ámbito xeográfico vertebrado polo río Eume, cunha serie de ilustracións que lle serven de apoio ao artigo. O primeiro número incluíu un poema de Isabel de Castro y Andrade, a primeira poetisa renacentista.