cavar

1. v t

   Traballar a terra coa aixada, co legón ou con outra ferramenta semellante para removela, sacar as herbas ou preparala para cultivala. OBS: Na tradición oral recóllense ditos como: “Cávame tarde, bímame/arréndame cedo, e pagareiche o que che debo, díxolle a viña ao labrego. Caves ben, caves mal, cava ben no carreiral. O que cava e bima fará boa vendima. Quen cava co demo a viña, co demo a vendima”.

   Ex: Cavou a terra da horta para poder sementar as cebolas. Cavou o millo en dous días.

2. v t

   Abrir unha gabia ou un buraco máis ou menos profundo na terra.

   Ex: Cavou un buraco para plantar a maceira.

   Sinónimos: escavar.
3. v t

   Facer unha cavidade nunha peza, especialmente de madeira, para darlle unha forma determinada.

   Ex: O zoqueiro cavou a peza de madeira ata facer a forma do pé da zoca.

   Sinónimos: escavar.

Frases feitas

• Cavar a sardiña. Remexer as sardiñas que están nunha morea.

Refráns

• En novembro cavar non se che lembre; e a aixada de cavar, emprégaa en aburatar.
• Quen bima e bima ben na vendima hao coñecer.
• Quen cava no mes de Santos, perde o tempo e o traballo.