Chaerophyllum

Xénero de plantas da familia das apiáceas, pouco recendentes. Ten follas pinnatisectas e flores en umbelas compostas, formadas por pétalos gallados de cor branca que dan lugar a froitos con costelas lonxitudinais ben visibles. En Galicia están presentes as especies: C. hirsutum, herbácea perenne que presenta froitos de ata 7 mm de lonxitude e que é propia de prados; e C. temulentum, herbácea anual que presenta froitos de ata 12 mm de lonxitude, propia de bosques e beiras de camiños e que se denomina popularmente como pirixel de burro.