Chālukya

Dinastía da antiga India do Deccan, orixe da casa real de Vātāpi, hoxe Bādāmi, en Hyderābād (543-757 e 975-1189). O reino fundouno o príncipe Pulakesin I no s VI, orixinario da rexión de Bijāpur, que subiu ao trono no 543 e os seus descendentes reinaron no Deccan ata o 757. Nese ano os Rāshtrakūta derrubaron a dinastía, pero unha segunda dinastía dos Chālukya gobernou en Kaalyāni, preto de Bombai (975-1189).