"Armando" (Contén)

GALICIA

Escritor. Licenciado en Filoloxía Galego-Portuguesa pola Universidade de Santiago de Compostela, nos seus artigos investiga a obra de Á. Cunqueiro, Xosé Mª Díaz Castro, A. Noriega Varela e Claudio R. Fer. Participou na edición da novela Esmoriz (1994), de Aníbal Otero, e no estudo introdutorio da peza teatral A soldadeira (1996), de L. Seoane. Publicou Ánxel Fole. Aproximación temática á súa obra narrativa en galego (1996); Ánxel Fole a Á lus do candil (1997), en colaboración con L. Alonso Girgado; e Escritores mindonienses (1998).

PERSOEIRO

Pintor. Discípulo en España de A. Muñoz i Degrain, partiu dun colorismo de raíz impresionista e acadou un estilo propio nas paisaxes, onde a luz queda expresada só por diversas gamas de branco e no que as formas, desdebuxadas pola intensidade da luz, lembran a J. M. W. Turner. Destaca Paisaje y rancho (1924).

PERSOEIRO

Debuxante. Autodidacta e admirador do debuxante estadounidense Frank Robbins, especializouse en cómic e humor, e foi un dos primeiros creadores en achegar erotismo ás publicacións españolas con rapazas semiespidas. Colaborador con tiras de política de actualidade en El Correo Gallego, Diario de Ferrol, El Ideal Gallego, Diario de Arousa e Diario de Bergantiños, os seus traballos foron publicados en diversos países, como España, Portugal, México, Colombia, Polonia, Irán, Rusia, Francia, Holanda, EE UU, Austria e Alemaña. Ademais, traduciuse a súa obra ao inglés, portugués, polaco e persa. Parte da súa obra foi recompilada en nove libros publicados. Para a revista de cómics El Globo creou a súa famosa serie “El Edén”, que sobreviviu á censura. Ademais, realizou diversas exposicións individuais e colectivas en diversos países europeos, Rusia e EE UU, dos que cómpre destacar o celebrado na igrexa Marktkirche de Hannover e o do XXVI Congreso Mundial da Federación Internacional de Xornalistas...

GALICIA

Futbolista e adestrador. Iniciou a súa carreira profesional en Brasil, xogando no Flamengo, co que gañou unha liga, e no Corinthians. Regresou a España ao Atlético de Madrid (1964-1974), co que gañou tres ligas e dúas copas. Foi internacional en 16 ocasións. Retirouse no Rácing de Santander (1974-1976). En 1997 incorporouse como adestrador á Real Federación Española de Fútbol e acadou dúas Eurocopas coa selección Sub-16 (1999 e 2001) e o subcampionato do mundo Sub-20 (2003).

GALICIA

Escritor e xornalista. Licenciado en Teoloxía pola Universidad de Comillas e titulado en xornalismo (1967), traballou en publicacións periódicas, como Nuevo Diario e Chan. Colaborou na revista Spes e nos servizos informativos de TVE (1974), onde foi director do Centro de TVE en Galicia (1979) e responsable do programa “Gaceta cultural” (1981). Tradutor de textos clásicos e da obra de Escrivá de Balaguer Camino, publicou La España ausente (1971), Quién es quién en la Iglesia española (1978), A Comarca do Deza (1989) e Vila de Cruces: la tierra de Carbia (2000).